مهما بعدت وكان في بينا بلاد مش هتهرب من العتاب

حبيبي مهما بعدت وكان في بينا بلاد
مسيري في يوم هلاقيك مش هتهرب من العتاب
مستحيل اسيبك للسعاده وانا في العذاب
سبتني في دنيا غريبه مفقود فيها الامان
ولا همك عيني تسهر ليالي طويله ما بتنام
كل الي كان همك تاخد نصيبك مني من الحنان
هربت وسبت قلبي عليك حيران
طب ليه وانت بعيد مصعبش عليك ورجعت ندمان
مش فاكر زمان لما كنت في بحوره عايش هيمان
وكان دايما مفرحك ولا عمره نيمك زعلان
ولا خلاص كله بيتنسى في ثانيه
مجرد ما تضحلك الدنيا
بس انا خايفه تكون ضحكه مزيفه
وتتوه في الدنيا وتدور متلاقيش حضن جواه دفا
مش هرتاح ولا هيهدى ليا بال
الا لما تتحقق ليا كل الامال
اشوفك قدام عينيا جاي وبتطلب الحنيه
واقولك اسفه خلاص مفيش
واشوفك راجعلي بلهفه وشوق وحشك دفا حضني
واقولك روح لغيري وابعد عني متقربليش
واشوف دموع عينيك نازله وبتالم فيك
وتطلب السماح عشان قلبك يرتاح
واقولك خلاص معنديش
وقتها يمكن قلبي يهدى شويه
اصل ناره قايده وصعبان عليا
نفسي اريحه وافرحه بيا
ويرجع يشوف ضحكة عينيا
مفتفتكرش عشان بعدت هسيبك تعيش مرتاح
لا صدقني هتعبك زي ما تعبتني وهحرمك من الافراح
هخليك تدوق شويه من الي شفته وتصاحب الجراح