اهو واقف بعيد : هي ونفسها وحبيبها !!

((( مع نفسها )))

اهو واقف بعيد
طب ما تروحيله مستنيه ايه
مش عايزه ازعله حاسه انه سعيد
كفايه حنيتك واقسي شويه عليه
تفتكري لو كملته هيرد عليا بحنيه
انتي مش الي غلطانه هو الي غلطان
انا عارفه بس خايفه انا مش هروح هستنى شويه
صدقيني روحيله مش يمكن بيدور عليكي وندمان
لو كان عايزني بجد كان دور عليا ولقاني
روحي واعرفي منه الحقيقه
بجد مش هقدر اروحله تاني
لازم تروحي متستنيش ثانيه ولا دقيقه
خلاص هروح واكلمه
صح كده ولو قسي عليكي اتحمليه
بس لازم اغير تفكيره ده وعلى الحقيقه افهمه
فهميه بس اوعي قبل ما يصالحك في ثانيه تحني ليه
مش بايدي انا بجد بحبه
عارفه بس اتقلي شويه
اتقل ازاي وانا دايبه في قلبه
لازم تداري الحنيه



((( مع حبيبها )))

حبيبي بجد وحشتني
ايه الي جابك تاني انا مش قلت انسيني
مقدرتش ابعد عنك تعالا ضمني
احنا لازم نبعد ارجوكي سبيني
مش قبل ما تفهم الحقيقه وتعرف انك ظالمني
مش عايز اسمع حاجه منك
لازم تسمع واعرف سبب بعادك عني
انا بعدت وحبيت البعاد ولازم تاني ابعد عنك
ليه القسوة دي حرام عليك تجرحني
انا مش قاسي كل الكايه اني لقيت غيرك
لقيت غيري؟؟وبقتولها عادي مش عارف انك كده بتدبحني
ما انتي دبحتيني زمان
والله مظلومه وحاولت افهمك كتير طب اسمعني
مش هصدقك انتي بعتيني وحرمتيني من الحنان
انت خلاص حبيت غيري وهسيبك بس لازم الاول تفهمني
قولي بسرعه كلامك وامشي ومش عايز اشوفك تاني
انت ظلمتني انا عمري ما حبيت غيرك وبكره تعرف الحقيقه وتندم
انا عمري ما هندم على اني سبتك علشان مش عايزاني
صدقني ضميرك هيعذبك كتير بعد ما تعرف الحقيقه وتفهم
متهيالي قولتي كل الي عندك وخلاص
اه قولته وبتمنى ربنا يوفقك من الحب الجديد
يبقى دلوقتي تمشي انا بجد مش عايزاك ولا حاسس من نحيتك باي احساس
انا ماشيه واسفه اني زعلتك وانت كنت سعيد