الاصدقاء بس

يا رفيقي ســـــــلام عقب بعد اللقا
من رفيق يـــودك مخلص لك نقسي
قلتها لك رفيــــــــــقي مرحبا والبقا
أغربي يا نـــــجوم الليل ولا أشرقي
يا رفيق المـــــــــــعزه يا رفيق النقا
جعل يـــــفداك من هو بالردى يتقي
حزت كل العلوم الطيبـــــــه وش بقا
ما بقا غير ذكرك طيــــــــب لك بقي
أحـــــــــمد الله ربي يوم صرنا أصدقا
أتشــــــرف بمعرفتك يالخوي التقي
الــــــــخوي من خويه لو هقا ما هقا
كـــــــــل طير بجنسه يانس ويلتقي
نبــتة الخــــــــــير يبقى عودها مورقا
والــصبغ نبت عوده ما يعيشه سـقي
أنشـد اللي تربى بالعــــــطا وش لقا
وانشــد اللي تربى بالردى وش لقي
سنة الخلق تطعــــم من نعيم وشقا
فيه من هو هني وفيه من هو شقي