كلمات اغنية المقنع

بلبس القناع تاع الخداع تا أعرف أنصاع لـ
رغبة مجتمع ضاع لـما باع أغلا ما ربنا هداه و
حاول يقلد شعوب متسواها هوى وما زال يتهاوا
ما لقي حدا يداويه بعد ما القلوب من الكفر داوا
صرنا نمجد ثقافة الخاوا ونخضع للي بنفكروا الأقوى
شعب أحول الحل قدامو من الأول بس بعشق الغشاوة
بدو قبل ما يعرف يمشي يسوق سيارة
بدو يسلم عالعدو ويبوسو وينفي العداوة
بس لما إبن بلدو يغلط عالبلد كلها بتقاوى!
لبيسين بدلات خدودهم تتباوس ما تتساوى
مع خدود مؤمنين حملت بكا أعين خافت لما بتحرس باتت
ما بحكي الأخلاق ماتت ولا الفرص راحت
بس مشاعري هاجت لما أشوف ولاد بتتهافت
بعد ما جاعت على مساعدات من الأمم اللي باعت
بلادنا اللي قبل ما ندعس عليها نمشي راحت
أكيد لازم نتعاضض بس بالأول لازم نتصافى
لإنو المرض لساتو فينا فلازم بالأول نتعافى
قبل ما نفكر ليش أو كيف نحرر بغداد ويافا
نفكر كيف بدنا نبطل نشتري من تجار السم بضاعة

==لازمه==
مقنع مش عارف ليش
مقنع شفتهم كلهم هيك
مقنع ولا حدا بشوفني
مقنع ولا حدا إلو دخل فيي

نفاق إجتماعي ما ألو داعي
صرنا أشبه بأبطال فلم خلاعي
بنعري نفسنا عشان نأمن مستقبل ضايع
تفكيري مش سلبي بس الموضوع واضح
بنكابر وبنرتكب جرائم شرف
وغزة بعد كل صاروخ تغتصب
بنغلط وما في أي علامة أسف
إلا لما يحين موعد هز الذنب
فلان من أغنا أغنياء البلد
وعندو ولد أبصر قديش بنت جرد
وكلو على الحساب ما بوكلو حق حدا
كلو فدا الوطن الشب فاتح عظيم الشب بطل
عزمان الجاهلية كانو يوئدو
لو شافو بنات هاي الأيام كان خصو حالهم
كلامي مستعد بأمثلة أسندو
بس كلكم عارفين دبياتهم ومولاتهم وفيس بوكاتهم
شو دخلني!؟ بلبس القناع وبعمل حالي كإني
إنسان ولا إلو اي طموح في الجنة بالدنيا متهني
عقلي مصيف ومكيف وجموع المقنعين بهني