اغنيه جديده لملك الشر المصرى +الكلمات (مش راضى)

الكلمات

انا بكتب الاغنيه دى عشان مش راضى
مش راضى شعب عظيم يتقال عليه شعب فاضى
مش راضى ان نهايتنا متكونش صاحب ارض او استشهادى
لو انته حاسس نفسك راضى
يبقى اسمع

كل يوم الصبح بقوم مخنوق
بقوم متضايق سكران مش عارف افوق
بقوم مكتف متحاصر مربوط بالطوق

لو هيه دى حياتى ؟؟؟
لأ
انا مش هسكت
انا هنطأ و هقول الحق
انا هصرخ ولأول مره
لأ
جرب قولها معايا مش هيه دى النهايه
لأ لسه مخلصتش الحكايه
قولناها كتير نعم وخدنا منها ايه
قولناها كتير نعم فيه كويس عمله ايه
لو هنفضل ذى ماحنا لو مش ناوى يعدى المحنه
يبقى لأ
قولوها معايا لأ لأ والف لأ

لكل طالم غادر قاعد مش ناوى يغادر
فاتح ايديه على الأخر و بيكبش ذى الفاجر
قولنالو كفايه قال دى تبقى حركه
كانو زمان بيقولو ان الحركه بركه
دلوقتى خلانا نخاف نتكلم او نتحرك اى حركه
ههههههههههههههههه
ايوه بضحك وهفضل اضحك
مش عارف انه حاكم على شعب من المجانين
ساكتين قافلين بقهم لكن
ساعت الجد مش ساهلين
اكيد انته شايفنا دلوقتى متساهلين
بس يوم منقوم
خاف على نفسك
وساعتها هيبقى غضب الشعب منافسك
هيجرجروك يا معلم وهتعرف قيمه نفسك
هيعرفوك ساعتها معنى غضب الثوار
هيوروك ساعتها معنى كلمه شعب الاحرار
انهارده قرب يخلص و بكره جاى قريب
بكره لما تلاقى كل اللى عملته قريب
لما تنسى كلمه ريس و تتبدل بعبد
عبد نسى ربه مش عارف ازاى يرد
ياريتنا ظلمناك
ياريت الكرسى غرك
لكن ظلمت نفسك
و الكرسى عمرو ما بيغير
لو كنت فاكر ان فلوسك هتاخدها معاك
احب اقولك انها اكيد وياك
لكن بشكل تانى
بشكل مش انانى
بشكل يخلى جلدك يتحرق و يرجع تانى
هتبقى ذنوب يا صاحبى والله خايف عليك
مش عشان عجباك الدنيا تدوس عالاخره برجليك
ويقولك دوله ناميه هنفضل ننمو لأمتى
بقولك دوله صاحيه
دوله فايقه
دوله عايزه نهايه لعصر الخنقه
شعب محبوس من غير جدران
شعب مكتفين بحديد صنعته الغيلان
اكيد فى يوم هنقوم
و هننفض كل الهموم
وساعتها هكون اول واحد يطهر نفسه من السموم
ايوه هيه ديه هيه سكه جايه
هوه ده هدفنا و هيه دى القضيه
من يوم ما اتولدت وانا شايفك قدام عنايا
شايفك وانت بتكبر وتزيد معالك القسيه
كان نفسى يوم اشوفك خدت خطوه ميه ميه
لكن خطواتك ناقصه مليانه عدوانيه
الشعب ده اللى عملك خلاك فى اللى انت فيه
دلوقتى كل رغابتك انك تبيده تخفيه
تعيش فى الكون لوحدك
قاعد سعيد على عرشك
مش خايف من الناس
تقوم وتفوق و تقول خلاص
اتعلم م التاريخ مكانش فيه اخلاص
عمر الشعب فى يوم ما خضع زى ما خضعلك
شدينا الحزام كتير بس الحزام اتقطعلك
تعبنا من حياتنا كفايه بقى ذل
انا هفضل اقول و اصرخ و هكى و اقول للكل
منكرش انى خايف يقوم علينا الأعداء
بس يوم الحرب هجرى و البى النداء
انا مبكلمش غريب أكيد خايف على بلدى
انا مبكلمش غريب انا بكلم ابن بلدى
معندناش نووى و ياريته كان عندنا
انا يوم ما هقول يا رب انا واثق فى ربنا
يمكن لو كان فيه نووى كان اعدائنا خافوا مننا
دا ربك بيقول خوفهم بقوتك
انا مش شايف قوه ولا شايفهم خايفين
ياترى هنعيش لأمتى ساكتين و متفاهمين
يا ترى هنرجع يوم اقوى بلاد الكون
ولا هنفضل فى متاهه نتظاهر بالجنون
الناس كلها بتقولها محدش فى الدنيا عبيط
امريكا كتفتنا و خلتنا نلبس برانيط
كانت غلطه صدام انه فكر يتمرد
ولا دى مش حقيقه وصدام كان مع نفسه
قافل على بلده سنين و بينهب منه لنفسه
وكانت دى نهايته
اتعلم من اللى قبلك
انت قافل على بلدك
قافل على كل اهلك
وسايب الغريب مكتف اللى منك فاكر جسمك حديد
صحح نفسك يا صاحبى قبل ما تبقى غريب
قبل ما الناس تقول ريس تانى موتته القباقيب

اللينك

http://www.mediafire.com/download.php?ytaunodydft

شكرا على المجهود